Cumbel
|
Questa pagina è scritta en sursilvan. |
| Cumbel | |
|---|---|
 | |
 Cumbel | |
| Administraziun | |
| Chantun | Grischun |
| District | Surselva |
| Circul | Regiun Surselva |
| Vischnanca | Lumnezia |
| Lingua(s) | rumantsch (sursilvan) |
| Numer postal | 7142 |
| Geografia | |
| Autezza | 1'138 m s. m. |
| Surfatscha | 4.46 km² |
| Coordinatas | 46° 42′ 59.99″ N 9° 11′ 0.02″ O |
| Demografia | |
| Populaziun | 238 (31. december 2012) |
 | |
| Pagina-web uffiziala | |
Cumbel (
[ˈkʊmbəl]?/i) ei in vitg ed era in'anteriura vischnaunca politica svizra ella Val Lumnezia. El appartegn alla vischnaunca politica Lumnezia en la regiun Surselva dil cantun Grischun.
Entochen ils 31 da december 2012 era Cumbel ina vischnaunca politica en il district Surselva dil cantun Grischun. 2013 ha Cumbel fusiunau cun Morissen, Vella, Degen, Vignogn, Lumbrein, Vrin e Suraua tier la vischnaunca Lumnezia. La cefra postala da Cumbel ei 7142.
Situaziun geografica
[modifitgar | modifitgar il code]Cumbel sesanfla all'entschatta dalla Val Lumnezia ed ei ca 7 km naven dil marcau da Glion. Il vitg schai sin in'altezia da 1138 meters sur mar e posseda ina surfatscha da 4.46 km².
Lungatg
[modifitgar | modifitgar il code]A Cumbel tschontschan ils rodund 270 habitonts sursilvan, mo tut tenor vitg tuna il sursilvan different. Cunzun il lungatg da Lumbrein e Vrin sedifferenziescha fetg dils auters vitgs schegie che Lumbrein e Vrin sesanflan alla fin dalla Val Lumnezia, nua ch'ei vegn tschintschau il sursilvan che semeglia il pli fetg al sursilvan vegl. Aschia senta mintga Lumnezia, ord tgei vitg ch'il partenari da discussiun savess esser.
Uoppen
[modifitgar | modifitgar il code]Igl uoppen da Cumbel demuossa il portal da porclas ch'ei in monument historic per la Val Lumnezia. Tras quei portal menava la vegla via ella val ed el sesanfla sin il terriori da Cumbel. Quei portal ei da gronda impurtonza per Cumbel ed era per la Lumnezia, damai che la battaglia da Werdenberg-Belmontschen ha giu liug leu. Las dunnas lumnezianas han stuiu cumbatter leu per lur patria e quei cun success. Il portal ei coluraus alv cun seiv nera e tetg ner. Il funs digl uoppen ei coluraus cun in ferm e surprentend tgietschen.
Historia
[modifitgar | modifitgar il code]La veglia scripziun «Cumble» sereferescha al plaid latin «cumulus », quei che munta collina. Ei sa denton era esser ch’ei muossa anavos sin il num helvetic «cumula », quei che munta valletta. A Cumbel han ins cattau l’emprema gada entuorn igl onn 1937 fastitgs dils romans e quei en fuorma da fossas veglias.
Colligiaziuns
[modifitgar | modifitgar il code]- pagina d'internet dalla Pro Cumbel
- Purtret dil vischinadi da Cumbel alla pagina dalla vischnaunca
- Adolf Collenberg: Cumbel en il Lexicon istoric retic
- Adolf Collenberg: Cumbel en il Historisches Lexikon der Schweiz
| ||||||||||
