Suraua

Questa pagina è scritta en sursilvan.

Suraua

Vaschinadi da Lumnezia

Vischnanca politica

←

2002–2012

→

Surcasti

Vopna

Administraziun

Stadi

Svizra

District

Circul

Vischnanca

Territori

Autezza

932 m s.m.

Surfatscha

24,20 km²

Populaziun

238 abitants
(31 da december 2012)

Spessezza

10 ab./km²

Fracziuns

Camuns, Surcasti, Tersnaus, Uors-Peiden

Autras infurmaziuns

Numer postal

7110 Peiden
7114 Uors
7113 Camuns
7115 Surcasti
7116 Tersnaus

Preselecziun

081

Numer UST

3599

Lingua tradiziunala

rumantsch sutsilvan

Internet

Pagina-web uffiziala

Lexicon istoric retic

Suraua era ina vischnaunca politica svizra el cantun Grischun. Ella ei oz in vischinadi dalla nova vischnaunca Lumnezia. Ella ei dapi 2016 part della Regiun Surselva.

Il vischinadi cumpeglia las fracziuns da Camuns (Masauns / Sutscheins / Camuns / Runs), Peiden (Peiden Vitg / Peiden Bogn / Suadetsch), Surcasti, Tersnaus ed Uors. Igl onn 1880 dumbravan las tschun anteriuras vischnauncas total 556 habitonts. Oz, 132 onns pli tard, habiteschan 248 persunas sin intschess da Suraua.Suraua ha in Chor mischedau, ina musica che suna ed in'uniun da giuventetgna. Il lungatg ufficial ei il idiom romontsch sursilvan.

Historia

La vischnaunca da Suraua era sortida il 1 da schaner 2002 ord la fusiun dallas anteriuras vischnauncas. Il num Suraua duei vegnir neu dalla Lumnezia su. Ina gronda part dils purs da Suraua, principalmein quels da Surcasti e Tersnaus, possedevan terren agricol sin intschess da Degen e Vignogn. Leu vegnevan quels dalla vart dretga dil Glogn numnai quels da leuvi, quels da tschella vart digl Glogn, quels da Suraua. Aschia duei il num Suraua esser naschius. Il Chor mischedau Suraua e la Societad da musica Suraua han francau quei num cun lur fundaziun. A caschun dalla fusiun dallas quater vischnauncas ha il num dalla futura vischnaunca secapescha dau negina discussiun.

Duront ils davos decennis ha giu liug en tuttas fracziuns da Suraua ina meglieraziun generala da funs. Quella ha purtau ina midada dalla structura agrara ella vischnaunca. Ina gronda reit da vias cun ina lunghezia da rodund 47.5 km segirescha oz igl access al terren agricol sco era alla gronda part digl uaul. La nova via da communicaziun denter Surcasti ed Uors cun sia imposanta punt ha saviu vegnir realisada grazia al conclus dalla vischnaunca da Surcasti da menar atras la meglieraziun generala sin siu territori.

Suraua en cavazzins

Habitonts	Fracziun	Altezia s.m.
1880 -> 556	Camuns	Fracziun Camuns -> 1176m.s.m.
1950 -> 570	Surcasti	Fracziun Surcasti -> 998m.s.m.
1980 -> 250	Tersnaus	Fracziun Tersnaus -> 1063m.s.m.
2000 -> 295	Uors-Peiden	Fracziun Uors-Peiden -> 910m.s.m.
2005 -> 291

Structura da vegliadetgna

00-15	46 persunas
16-30	47 persunas
31-45	59 persunas
46-60	64 persunas
61-75	27 persunas
76-90	44 persunas
sur 90	4 persunas

Surfatscha: 2419ha

Facts della veglia vischnaunca

Lungatg	Romontsch
Confessiun	Catolic
Cumin	Lumnezia
District	Surselva
Pei da taglia	130% dalla taglia cantunala sempla
Legislativa	Radunonza da vischnaunca
Executiva	Suprastonza communala, 5 commembers

Uniuns: Chor mischedau, uniun da dunnas, societad da musica, uniun da giuventetgna, uniun da tiradurs

Survetschs e fatschentas: Administraziun communala in Vella (Lumnezia) 3 ustrias, 3 scrinarias, stagnaria, interpresa da baghegiar, interpresa forestala

Vopna da Camuns
Vopna da Surcasti
Vopna da Tersnaus
Vopna da Uors-Peiden

Colliaziuns

Commons: Suraua – Collecziun da maletgs, videos e datotecas d'audio

pagina della vischnaunca Lumnezia ([1])