Urs Cadruvi

Ord Wikipedia
Jump to navigation Jump to search

Urs Cadruvi è dapi il november 2007 il secretari general da la Lia Rumantscha.
El ha remplazzà Gion Antoni Derungs e maina l'operativa da la Lia Rumantscha cun actualmain 27 collavuraturas e collavuraturs. El è burgais da Ruschein, ha dentant frequentà ses temp da scola obligatoric a Sta. Maria en Val Müstair ed a Casti en Val d'Alvra. Perquai discurra el era ils idioms Vallader, Surmiran e Sursilvan. Suenter in emprendissadi commerzial ha el studegià a la scola auta per economia e tecnica a Cuira. Oz è el sper sia lavur en la Lia Rumantscha anc manader e proprietari d'in biro che cusseglia fatschentas ed organisaziuns en dumondas da persunal e svilup d'organisaziun. En il sectur da musica è Urs Cadruvi s'engaschà sco musicant e dirigent da musica da brass sco era en il chant rumantsch.

Sia elecziun è stada ina surpraisa cunquai che Chasper Pult ha medemamain candidà e valeva sco cler favurit. La suprastanza da la Lia Rumantscha motivescha l'elecziun dad Urs Cadruvi sco "consequenza logica (...) suenter ils onns da restructuraziun da la Lia Rumantscha cun la finamira da professiunalisar sia lavur e da rinforzar la communicaziun ed il marketing".

Colliaziuns[modifitgar | modifitgar il code]

Purtret dad Urs Cadruvi sin la pagina da la Lia Rumantscha