Ruschein

Ord Wikipedia
Questa pagina è scritta en sursilvan.
Ruschein

Ruschein
Administraziun
Chantun Grischun
District Surselva
Circul Foppa
Lingua(s) rumantsch (Sursilvan)
Numer postal 7154
Geografia
Autezza 1'155 m s. m.
Surfatscha 12.56 km²
Coordinatas 46° 46′ 59.98″ N 09° 11′ 0.01″ O
Demografia
Populaziun 355 (31. Dezember 2006)
Pagina-web uffiziala

Ruschein era tochen ils 31. da december 2013 ina vischnaunca politica en la Surselva el cantun Grischun. El 1. da schener 2014 ha Ruschein fusionau cun las anteriuras vischnauncas: Castrisch, Duvin, Glion, Ladir, Luven, Pigniu, Pitasch, Riein, Rueun, Schnaus, Sevgein, Siat tier la nova vischnaunca Ilanz/Glion.

Geografia Ruschein schai sin ina terassa el nord da glion sin la vart seniastra dil Reinanteriur ed ha ina altezia da tochen 1900 meters sur mar. Sur il vitg Ruschein schai Ladir omisduas vischnauncas han parts dil gletscher da Voralp.

Geografia[modifitgar | modifitgar il code]

Il vitg da Ruschein sesanfla sin ina terrassa dalla vart sulegliva dalla Foppa, gest 450m sur Glion. La baselgia da Ruschein secatta sin in punct culminont da Ruschein che porscha ina survesta sur ina gronda part dalla Surselva.

Etimologia dil num[modifitgar | modifitgar il code]

Il vitg da Ruschein vegn menziunaus l’emprema gada sut il num Rucene el testament digl uestg Tello che datescha digl onn 765. La fuorma actuala Ruschein secatta per l'emprema gada en in document digl onn 1629 e deriva pli probabel dil num latin Rosius.

Barschaments[modifitgar | modifitgar il code]

Tschun gadas ei il vitg da Ruschein daventaus unfrenda da barschaments. Il pli grond fiug ei sederasaus ils 22 da settember 1629. En connex cun quei incendi ein 80 baghetgs vegni devastai enteifer treis uras. Ils 2 d’uost 1783 ei la mattatscha dalla calustra vegnida per la veta ella tuor baselgia che era venida tucca dil cametg. Igl onn 1931 brischan ina casa ed in clavau agl ur da Ruschein. Sunter il barschament dils 9 da novmber 1939 amiez il vitg, ein 27 persunas stadas senza tetg. Quei di ein era la caplutta da sogn Antoni e la scola vegni destrui. Il settember 1973 ein, medemamein tier in fiug amiez vitg, ina casa ed in clavau daventai unfrenda dallas flommas.