Utilisader:Andreas/Plazzals/Reba
Reba[1] (talian Arabba, tudestg Buchenstein) è ina fracziun da la vischnanca da Fodom en la regiun alpina da las Dolomitas en Italia (provinza da Bellun).
Reba cunfina directamain cun la spunda sid da la gruppa dal Sella. Il pass da Campolongo collia il lieu cun la vischnanca cunfinanta da Corvara.
En il sid limitescha ina cresta davant (Portavescovo) dal massiv da la Marmoleda il territori dal lieu, vers il sidost s'avra la val da Fodom.
Il center dal lieu è situada sin 1'602 m d'autezza, che s'auza sin pli da 2'500 m vers il sid ed il nord. Vers il vest sa serra la val da Reba en direcziun dal pass da Pordoi cun ses 2'239 m d'autezza.
Causa sia garanzia da naiv, particularmain da la vart meridiunala, è Reba in popular center dal sport d'enviern. Durant la stad è Reba punct da partenza per excursiuns e turas da raiver en il territori dal Sella e da la Marmoleda. La pli gronda part da la populaziun viva dal turissem.
Annotaziun[modifitgar | modifitgar il code]
- ↑ Toponim en lingua ladina da las Dolomitas