Tujetsch
Quest artechel ei screts en sursilvan.| Tujetsch | |
|---|---|
 |
|
| Administraziun | |
| Chantun | Grischun |
| District | Surselva |
| Circul | Cadi |
| Lingua(s) | rumantsch (sursilvan) |
| Numer postal | 7188 |
| Geografia | |
| Surfatscha | 133,91 km2 |
| Coordinatas | 46° 41′ 0″ N 8° 46′ 0″ O |
| Demografia | |
| Num dal abitants | Tuatschin, Tuatschina |
| Populaziun | 1'838 (31 da december 2008) |
| Charta | |
 |
|
| Pagina-web uffiziala | |
Tujetsch (tudestg Tavetsch) ei ina vischnaunca politica svizra el cantun Grischun. Ella schai el circul dalla Cadi el district Surselva.
Cuntegn |
Historia[modifitgar]
Tujetsch consisteva d'uclauns che sederesavan naven dil pass Alpsu fin Bugnei. In vitg Tujetsch ha ei mai dau. La colonisaziun ha giu liug suenter la fundaziun da la claustra da Mustér egl 8. tschentaner. El 12. tschentaner ein ils Gualsers migrai sur il pass Alpsu ed ein secasai el Tujetsch. Pér naven d'il 18. tschentaner ein ils purs da muntogna secasai els vitgs dalla val. Sedrun ei daventau capitala dalla vischnaunca e dalla pleiv. La baselgia parochiala da Sedrun, dalla quala il clutger ei vegnius mantegnius ei vegnida consecrada igl onn 1205. La baselgia da s.Vigeli dad oz deriva d'ils onns 1691-95.
Porta Alpina[modifitgar]
Impuls per in ulteriur svilup da la regiun dueva dar la Porta Alpina, ina staziun da viafier sutterrana en vischinanza da Sedrun, colliada cun la reit da viafier europeica da gronda prestaziun.
Geografia[modifitgar]
Tujetsch ei la davos vischnaunca dalla Surselva el cantun Grischun. Tujetsch cunfinescha cul cantun Uri e Tessin.
Tujetsch consista dad 19 fracziuns: Tschamut, Selva, Dieni, Rueras, Zarcuns, Camischolas, Gionda, Sedrun, Bugnei, Surrein, Cavorgia, Guiv, Milez, Mulinatsch, Nacla, Prau, Múlins, Sum ed Sut Crestas. Sedrun ei il liug principal ed il center administrativ dalla val. Il diember da habitonts digl onn 2005 dumbra rodund 2'005 persunas. Da quellas persunas tschontschan 87% romontsch e 13% tudestg ni auter.
Las vischnancas cufiantas sun Airolo (TI), Ursera (UR), Mustér, Gurtnellen (UR), Medel (Lucmagn), Quinto (TI) ed Silenen (UR).
Ils lais da la vischnanca sun il Lai da Nalps, il Lai da Curnera ed il Lai da Tuma, la funtauna dal Rain.
Selva[modifitgar]
Selva ei in vitg en la val Tujetsch. Il vitg ha, sco era Sedrun ragischs gualsras. Selva ha giu da sbatter grevs cumbats, cun lavinas e fiug. Igl onn 1949 ha in fetg grond incendi midau cumpleinamein il maletg dil vitg. Cun agid dalla populaziun svizra han ins puspei saviu reconstruir Selva. Il vitg sesanfla en in liug expost a lavinas. El sesanfla el funs dalla val, dad omisduas varts dat ei plauncas teissas, d'ina vart ha ei uaul e l’autra ei niua. La vart niua ei quella che fa sterment igl unviern, da quella vart vegnan biaras lavinas a val.
Fracziuns da la vischnanca[modifitgar]
| Quartier | Nr. | Nr.-BFS | NPA |
|---|---|---|---|
| Sedrun | 1 | 3986001 | 7188 |
| Tschamut | 2 | 3986002 | 7188 |
| Selva | 3 | 3986003 | 7188 |
| Dieni | 4 | 3986004 | 7188 |
| Rueras | 5 | 3986005 | 7188 |
| Zarcuns | 6 | 3986006 | 7188 |
| Camischolas | 7 | 3986007 | 7188 |
| Gionda | 8 | 3986008 | 7188 |
| Bugnei | 9 | 3986008 | 7188 |
| Surrein | 10 | 3986010 | 7188 |
| Cavorgia | 11 | 3986011 | 7188 |
| Guiv | 12 | 3986012 | 7188 |
| Milez | 13 | 3986013 | 7188 |
| Mulinatsch | 14 | 3986014 | 7188 |
| Nacla | 15 | 3986015 | 7188 |
| Prau | 16 | 3986016 | 7188 |
| Múlins | 17 | 3986017 | 7188 |
| Sum | 18 | 3986018 | 7188 |
| Sut Crestas | 19 | 3986019 | 7188 |
Populaziun[modifitgar]
Lungatg[modifitgar]
En la Val Tujetsch vegn tschintschau in romontsch sursilvan tut special, il dialect tuatschin. Sco lungatg da scartira han ils Tuatschins il romontsch sursilvan. Quei dialect ed il qual dils Medelins ei la fuorma dil romontsch sursilvan vegl. Entuorn igl onn 1400 ei vegniu da Cuera in niev trend da lungatg. Sederasaus ei quel denton mo entochen Mustér. La val Tujetsch e la Val Medelina ein buca vegnidas tschaffadas dil niev romontsch. Il dialect Tuatschin vegn aunc oz discurrius en la val.
Il lungatg uffizial dalla vischnaunca ei il rumantsch.
| Linguas a Tujetsch | ||||||
| Linguas | Dumbraziun da l'onn 1980 | Dumbraziun da l'onn 1990 | Dumbraziun da l'onn 2000 | |||
| Dumber | Part | Dumber | Part | Dumber | Part | |
| Rumantsch | 1783 | 91 % | 1782 | 90 % | 1744 | 87 % |
| Tudestg | 176 | 9 % | 198 | 10 % | 260 | 13 % |
| Abitants | 1960 | 100 % | 1980 | 100 % | 2005 | 100 % |
Colliaziuns[modifitgar]
- La pagina da la vischnanca
- Tujetsch en il Lexicon istoric retic
- Sedrun en il Lexicon istoric retic
- Tschamut en il Lexicon istoric retic
- Camischolas en il Lexicon istoric retic
- Selva en il Lexicon istoric retic
| Vischnancas politicas dal district Surselva |  |
|---|---|
|
Andiast | Breil | Castrisch | Cumbel | Degen | Duin | Falera | Glion | Laax | Ladir | Lumbrein | Luven | Medel/Lucmagn | Mundaun | Murissen | Mustér | Pigniu | Pitasch | Riein | Rueun | Ruschein | Sagogn | Schlans | Schluein | Schnaus | Sevgein | Siat | Sogn Martin | Stussavgia | Sumvitg | Suraua | Sursaissa | Tenna | Trun | Tujetsch | Valendau | Val | Vella | Versomi | Vignogn | Vrin | Vuorz |
|
