Arno Camenisch
Arno Camenisch (* 1 da favrer 1978 a Tavanasa) è in scrivent da prosa, lirica e da teater rumantsch. El scriva tant per rumantsch sursilvan sco per tudestg.
Vita
[modifitgar | modifitgar il code]Arno Camenisch è naschì l'onn 1978 a Tavanasa en la vischnanca sursilvana da Breil. El ha frequentà la scola primara e secundara da Danis-Tavanasa. Silsuenter ha el absolvà il seminari da scolasts a Cuira. Cura ch'el ha finì ses studi, è el viagià per l'Europa, l'Australia e l'America dil Sid enturn e dal 2004 fin il 2007 ha el vivì a Madrid en Spagna. Tranter il 2005 ed il 2009 ha el moderà l'emissiun Impuls al Radio Rumantsch. Dapi il settember 2007 viva Camenisch a Bienna nua ch'el ha frequentà l'Institut svizzer da litteratura.
Ultra da quai fa Arno Camenisch part da l'ensemble da spoken word Bern ist überall.
Ovras
[modifitgar | modifitgar il code]Cudeschs
[modifitgar | modifitgar il code]- 2005 Ernesto ed autras manzegnas (sursilvan)
|
- 2013 Las flurs dil di (rumantsch)
- 2013 Fred und Franz (tudestg)
Cudeschs auditivs
[modifitgar | modifitgar il code]legids da l'autur sez
- 2010 Sez Ner
- 2010 Hinter dem Bahnhof
Gieus auditivs
[modifitgar | modifitgar il code]- 2012 Ustrinkata (tudestg grischun; 3 da december 2012, DRS 1),[1] era cumparì sin dc en la chasa editura Merian[2]
Publicaziuns en antologias
[modifitgar | modifitgar il code]- 2008 Ein paar Gedichte en Zwischen den Zeilen, 29 (sursilvan e tudestg)
Plinavant ha el scrit differentas producziuns da teater, gieus auditivs, emissiuns da radio e diversas translaziuns. Arno Camenisch ha era publicà discs cumpacts sco per exempel 10 onns plema d'aur e „do you want a coffee?“.
Premis e contribuziuns
[modifitgar | modifitgar il code]Arno Camenisch ha obtenì plirs premis ed onuraziuns per sias lavurs, tranter quels:
- 2001 Plema d'aur
- 2003 Premi dal public als Dis da Litteratura
- 2006 contribuziun ad in'ovra GiuRu
- 2007 contribuziun ad in'ovra Pro Helvetia
- 2010 ZKB Schillerpreis per Sez Ner
- 2010 Premi da litteratura da Berna per Sez Ner
- 2010 Premi Term Bel per il text Ustrinkata (Dis da Litteratura)
Colliaziuns
[modifitgar | modifitgar il code]- Pagina d'internet dad Arno Camenisch (sursilvan e tudestg)
- Arno Camenisch en il lexicon da l'uniun Auturas ed Auturs da la Svizra (ADS)
- Profil dad Arno Camenisch, dossier Noss Auturs dad RTR
Referenzas
[modifitgar | modifitgar il code]- ↑ «Ustrinkata» von Arno Camenisch en il Hörspielarchiv da SRF 1 (consultà il 15.03.2014)
- ↑ Neues Hörbuch: «Ustrinkata». In: Christoph Merian Verlag. 7 d'october 2013 (Stand: 15 da mars 2014).