Karl von Ettmayer
Karl von Ettmayer, correctamain Karl Ettmayer von Adelsburg (* 22 da fanadur 1874 a Jessenetz sper Konitz, Moravia; † 24 da mars 1938 a Vienna) era in romanist e linguist austriac.
Vita ed ovra
[modifitgar | modifitgar il code]Ettmayer è creschì si en il Tirol dal Sid e frequentava il gimnasi da lingua tudestga a Trentino. El ha studegià l'emprim medischina a l'Universitad da Puntina (Innsbruck), ha suenter dentant midà tar las linguas romanas ed ha studegià a l'Universitad da Graz sut l'instrucziun da Antonio Ive (1851–1937) e Hugo Schuchardt. Tar Schuchardt ha el promovì il 1899 cun Lombardisch-Ladinisches aus Südtirol. Ein Beitrag zum oberitalienischen Vokalismus; die zugrundeliegenden Dialektmaterialien.[1]
Il 1903 è Ettmayer sa habilità a Vienna tar Wilhelm Meyer-Lübke davart Bergamaskische Alpenmundarten (Leipzig 1903). Dapi il 1905 fin il 1911 lavurava el sco professer a l'Universitad da Friburg en Svizra, dapi il 1911 fin il 1915 sco professer ordinari e successur da Theodor Gartner a l'Universitad da Puntina e dapi il 1915 sco successur da Meyer-Lübke a l'Universitad da Vienna. Il 1927 è el vegnì elegì en l'Academia austriaca da las scienzas.
Ulteriuras ovras
[modifitgar | modifitgar il code]- Benötigen wir eine wissenschaftlich deskriptive Grammatik? , Halle a.S. 1910
- Vademecum für Studierende der romanischen Philologie, Heidelberg 1919
- Über das Wesen der Dialektbildung, erläutert an den Dialekten Frankreichs, Wien 1927
- Analytische Syntax der französischen Sprache mit besonderer Berücksichtigung des Altfranzösischen, 2 Bde, Halle a.S. 1930-1936
- Welche Bedeutung kommt dem Systembegriff in der Sprachwissenschaft zu? in: Almanach der Akademie der Wissenschaften Wien 72, 1935, S. 39-48
- Das Ganze der Sprache und seine logische Begründung, Jena 1938
Litteratura
[modifitgar | modifitgar il code]- Wilhelm Theodor Elwert in: Neue Deutsche Biographie 4, 1959, S. 667 f.
- Österreichisches Biographisches Lexikon 1, 1957, S. 272
- Hans Goebl in: Karl von Ettmayer, Lombardisch-Ladinisches aus Südtirol, San Martin de Tor 1995, sowie in: Lexicon grammaticorum, Tübingen 1996, S. 282
- Friedrich Wild in: Almanach der Akademie der Wissenschaften Wien 88, 1938, S.319-324
Referenzas
[modifitgar | modifitgar il code]- ↑ Publitgà en: Romanische Forschungen 13, 1902, p. 321-672, publitgà danovamain da Hans Goebl cun ina biografia ed ina bibliografia sco era in'undrientscha da l'ovra cumpletta da Karl von Ettmayer, San Martin de Tor 1995
Colliaziuns
[modifitgar | modifitgar il code]- Litteratura da e davart Karl von Ettmayer en il catalog da la Bibliteca naziunala tudestga e sin autras paginas d'internet (tudestg)
- Curriculum vitae e foto