Ladir

Ord Wikipedia
Midar tar: navigaziun, tschertga
Page d'aide sur l'homonymie Questa pagina è scritta en sursilvan.
Ladir
Ladir wappen.svg
Ladir.jpg
Ladir
Administraziun
Chantun Grischun
District Surselva
Circul Foppa
Lingua(s) rumantsch (sursilvan)
Numer postal 7155
Geografia
Autezza 1'276 m s. m.
Surfatscha 7.19 km²
Coordinatas 46° 46′ 59.97″ N 09° 11′ 59.99″ O
Demografia
Populaziun 111 (31. december 2006)
Karte Gemeinde Ladir 2007.png
Pagina-web uffiziala

Ladir era tochen ils 31. da december 2013 ina vischnaunca politica svizra en il district Surselva dil cantun Grischun.

L' emprem da schaner 2014 ha la vischnaunca fusionau cun Castrisch, Duvin, Ilanz, Luven, Pigniu, Pitasch, Riein, Rueun, Ruschein, Schnaus, Sevgein, Siat tier la nova vischnaunca Ilanz/Glion.

Uoppen[modifitgar | modifitgar il code]

Igl uoppen da Ladir ei segmentaus en blau ed argien/alv. La colur blaua cuntegn ina steila da sis péz, ed il argien/alv cuntegn in cuolm cun treis péz (Heroldsbild).

Igl uoppen simbolisescha la biala cuntrada ed la pitoresca posizun dalla baslegia S.Sein.  

Geografia[modifitgar | modifitgar il code]

Geograficamein schai Ladir sin ina terrassa cun ina altezia da 1276 meters sur mar el center dalla Surselva. Ils vitgs vischinonts ein Falera egl ost e Ruschein el sid.

Da 721 ha vegnan rodund 363 ha cultivai da purs, sco mises ed alps. Ulteriuras 304 ha vegnan curclai d'uaul e lenna. Sulettamein 19 ha ein civilisai ed rodund 35 ha ein terren nunproductiv.

Politica[modifitgar | modifitgar il code]

Biaras uniuns han ina stretga relaziun cul vitg da Ruschein ed ein per part fusiunadas. Aschia ein p. ex. l'Uniun da giuventetgna , l'uniun da dunnas ed ils pumpiers sedecidi da fusiunar.

Politicamein ei Ladir ina fracziun dil cumin da Ilanz/Glion.

Scola[modifitgar | modifitgar il code]

Dapi l'onn 1980 ha Ladir ina scola primara fusiunada cul vitg vischinont Ruschein. Lezza sesanfla el vitg da Ruschein sco era la scoletta.

Il scalem superiur ei denton integraus el Consorzi da scola Glion e contuorn.

Populaziun[modifitgar | modifitgar il code]

Ladir quenta entuorn 109 habitonts.

Il turissem si Ladir[modifitgar | modifitgar il code]

Turists san profitar d'ina reit da vias da viandar, encurir bulius ni ir cun skis a Ladir. Era san ins far turas cun velo pli levas e pli grevas. Sch'enzatgi survegn fom da tut quei, san ins dustar quella ell'ustria Casa Crusch.

Historia[modifitgar | modifitgar il code]

Il contuorn ei gia dapi millennis civilsaus. Ina autonoma ed independenta vischnaunca ei Ladir denton per vegnida egl onn 1851. El 19avel tschentaner han dus gronds incendis caschunau bia difficultads al vitg. Tier l'emprem incendi 1848 ei ina gronda part dil uaul vegnius destruida. Tier il secund ei denton, entras termgliar cun fiug da dus giuvenils, bunamein l'entir vitg barschaus giu. Tier quei incendi ein grondas parts dil archiv vegni destruiu, aschia ch'ils documents historics dil vitg tonscha buc tochen alla entschatta dalla fundaziun dil vitg.

Colliaziuns[modifitgar | modifitgar il code]

Commons Commons: Ladir – Collecziun da maletgs, videos e datotecas d'audio