Siat
Quest artechel ei screts per sursilvan. |
↔
| Siat | |
|---|---|
 | |
 Siat | |
| Administraziun | |
| Chantun | Grischun |
| District | Regiun Surselva |
| Vischnanca | Ilanz/Glion |
| Lingua(s) | romontsch (sursilvan) |
| Numer postal | 7157 |
| Geografia | |
| Autezza | 1'296 m s. m. |
| Surfatscha | 13,53 km² |
| Coordinatas | 46° 48′ N, 9° 10′ O |
| Demografia | |
| Populaziun | 178 (31 da december 2013) |
| Charta | |
 | |
| Colliaziuns | |
| Lexicon istoric retic |
Siat en il Lexicon istoric retic |
Siat (tudestg Seth) ei ina fracziun dalla vischnaunca da Glion ed in'anteriura vischnaunca politica en il cantun Grischun en Svizra.
Geografia
[modifitgar | modifitgar il code]Il vitg Siat schai sin ina terrassa silla vart sulegliva dalla Surselva sin in'altezia da 1300 msm. Las fracziuns cunfinontas ein Rueun, Pigniu e Ruschein.
Historia
[modifitgar | modifitgar il code]Il liug era el temps medieval sut il Signuradi dils da Friberg ch'eran gia uni avon 1300 cun il Signuradi da Munt S. Gieri. Tier la dertgira ch'ei seresultada ordlunder sudeva era Siat entochen 1734 nua ch'el ei seconstituius cun Andiast, Rueun e Schlans.
Tochen ils 31. da december 2013 era Siat ina vischnaunca politica svizra. Ella era situada el circul Ruis (romontsch: Rueun) da gliez temps dil district Surselva el cantun Grischun.
Igl emprem da schaner 2014 ha la vischnaunca fusionau cun Castrisch, Duvin, Glion, Ladir, Luven, Pigniu, Pitasch, Riein, Rueun, Ruschein, Schnaus e Sevgein tier la nova vischnaunca Ilanz/Glion.[1]
Il uoppen
[modifitgar | modifitgar il code]Il sigil dalla vischnaunca muossa ina steila dad aur cun siat pézs sur in calisch dad aur sin in funs blau. Il calisch regorda a S. Flurin (patrun baselgia) e la steila cun siat pézs fan attent sil num Siat.
La ruina dil casti da Friberg
[modifitgar | modifitgar il code]Sur il vitg, ault sur in grep vesan ins ina ruina din casti. Quei casti ei vegnius eregius dils signurs da Friberg che vegnan numnai per l'emprema gada igl onn 1255.
Viadis
[modifitgar | modifitgar il code]Per arrivar a Siat, drova ei buca senz'auter in agen auto. Las bunas colligiaziuns dil traffic public (auto da posta) dattan a scadin la pusseivladad da contonscher Siat.
Per scadin ch'encuera ruaus ei Siat ina zona da recreaziun. En in giena contonschan ins il grep casti cun la ruina da Friberg e vegn recumpensaus cun ina grondius survesta giu en la valada e sin ils cuolms visavi. Ils cuolms contonschan ins enteifer 30 minutas da differentas vias. Era la Senda Sursilvana traversescha il vitg Siat.
Colligiaziuns
[modifitgar | modifitgar il code] |
Commons: Siat – Collecziun da maletgs, videos e datotecas d'audio |
| |||||||
