Utilisader:Andreas/Plazzals/Bondo
| Bondo | |
|---|---|
 | |
| Administraziun | |
| Chantun | Grischun |
| District | Malögia |
| Circul | Engiadin'Ota |
| Lingua(s) | talian |
| Numer postal | 7606 |
| Geografia | |
| Autezza | 823 m s. m. |
| Surfatscha | 28,28 km² |
| Coordinatas | 46° 20′ 0" N 9° 33′ 0" O |
| Demografia | |
| Populaziun | 198 (31 december 2006) |
 | |
| Pagina-web uffiziala | |
Bondo (bregagliot Bond[1]; istoric: rumantsch Buond, tudestg Bundth) è ina vischnanca politica svizra en il chantun Grischun. Ella è situada en il circul Engiadin'Ota dal district Malögia.
Il 1. da schaner 2010 vegn Bondo a fusiunar cun Castasegna, Soglio, Stampa e Vicosoprano e furmar la nova vischnanca da Bregaglia.
Geografia
[modifitgar | modifitgar il code]Bondo è in vitg a mantun en la part bassa da la Bregaglia a l'entrada da la Val Bondasca. El è situà a la riva sanestra da la Maira. La vischnanca cumprenda era ils vitgs Promontogno e Castelmur.
Da l'entir territori communal da 28 km² èn 1'671 terren nunproductiv (per la plipart muntogna), 1'061 ha èn guaud e bostget, be 70 ha èn terren agricul e 17 ha èn territori abità.
Il punct il pli aut da la vischnanca è il Piz Cengalo (3'370 m) sin il cunfin cun la vischnanca taliana da Val Masino. En la vischnanca sa chatta er in auter piz impurtant, il Piz Badile.
Il vitg sa chatta 14 km davent da Chiavenna (Clavenna), 36 km da San Murezzan e 101 km da Cuira. Las proximas staziuns da viafier èn a Chiavenna per destinaziuns en l'Italia ed a San Murezzan per destinaziuns svizras.
Las vischnancas cunfinantas èn Castasegna, Soglio, Stampa, Vicosoprano e Val Masino en la Lumbardia.
La fusiun
[modifitgar | modifitgar il code]L'onn 1994 è vegnì empruvà l'emprima giada da fusiunar las tschintg vischnancas da la Bregaglia, Bondo (Buond), Castasegna, Soglio (Suogl), Stampa e Vicosoprano (Visavraun) ad ina suletta vischnanca politica cun il num Bregaglia. Questa emprova n'è dentant betg gartegiada perquai che tut las vischnancas han vuschà encunter. Cun la segunda emprova da l'onn 2008 han las radunanzas communalas da las tschintg vischnancas approvà la fusiun che vegn subvenziunada dal Chantun cun 5,5 milliuns francs. La fusiun va en vigur il 1. da schaner 2010. Il center administrativ da la nova vischnanca vegn ad esser a Bondo.[2]
- ↑ Dicziunari dal bregagliot (bustab B)
- ↑ «Gemeindefusion im Bergell unter Dach und Fach» sin berggebiete.ch (tudestg)