Schluein
| Schluein | |
| Vischnanca politica | |
|---|---|
| |
| Schluein | |
 Vopna | |
| Administraziun | |
| Stadi |  Svizra
|
| Chantun | Grischun |
| Regiun | Surselva |
| Territori | |
| |
| Autezza | 762 m s.m. |
| Surfatscha | 4,79 km² |
| Populaziun | 614 abitants (31 da december 2021) |
| Spessezza | 123 ab./km² |
| Autras infurmaziuns | |
| Numer postal | 7151 |
| Preselecziun | 081 |
| Numer UST | 3582 |
| Internet | |
| Pagina-web uffiziala | |
| Lexicon istoric retic | |
Schluein è ina vischnanca svizra en il district Surselva dal chantun Grischun.
Vopna
[modifitgar | modifitgar il code]Blasonament: blau ed aur fendì; en il blau ina clav dad aur ed en il mellen ina spada blaua.
Clav e spada èn attributs da Sontg Petrus e Sontg Paulus. Las colurs derivan da la vopna dals signurs da Löwenberg, ils quals possedevan la barunia “Schleuis”.
Geografia
[modifitgar | modifitgar il code]Schluein sa chatta 4 km a l’ost da Glion en la Val dal Rain Anteriur sper il center da vacanzas Flem-Laax-Falera e sper l’entrada da la Ruinaulta. A Schluein vegn vegn (sper il tudestg) era discurrì rumantsch sursilvan.
Dapi december 2016 collia ina punt il traffic nunmotorisà tranter las vischnancas da Schluein e Castrisch.
Istorgia
[modifitgar | modifitgar il code]Schluein vegn numnà l’emprima giada l’onn 1298. Da lez temp aveva il vitg anc il num “Sluwen”. Enfin da l’onn 1803 era Schluein en il possess dals signurs da Löwenberg. La baselgia da Sontg Peter e Sontg Paul vegn numnada l’emprima giada l’onn 1321. Dal chastè che existiva da lezzas uras, datti mo pli ina pitschna ruina.
Mulins
[modifitgar | modifitgar il code]Sur il vitg sa chatta il Mulin Sura. Il pitschen mulin, che vegniva duvrà per pasar dumiec e megl, exista enfin oz. Il mulin grond da graun è dentant svanì. Las lingias da chanal dattan anc oz perditga dals temps vegls.
Il Mulin Sut sa chattava sut la via. Cun ina roda d’aua supplementara vegniva dapi il 19avel tschientaner fatg ir ina resgia. Questa resgia è alura vegnida demontada l’onn 1950.
Durant la Segunda Guerra mundiala vegniva era anc fatg diever dals mulins, quai en connex cun il “Plan Wahlen”. Il mulin modern da Glion ha remplazzà suenter 1945 ils mulins da Schluein.
Varia
[modifitgar | modifitgar il code]Il edifizi nov dal Löwenberg, ch’è vegnì construì suenter il brischament grond da l’onn 1889, era ina chasa d’orfens enfin l’onn 1972. La chasa vegn anc enfin l’onn 2019 duvrà sco center transitoric per requirents d’asil.
Persunalitads
[modifitgar | modifitgar il code]- Geli Caduff (1824–1871), advocat e poet en lingua tudestga e rumantscha
Colliaziuns
[modifitgar | modifitgar il code]
Commons: Schluein – Collecziun da maletgs, videos e datotecas d'audio- Adolf Collenberg: Schluein en il Lexicon istoric retic
- Naturmonument Ruinaulta
| |||||||||||||||||||
