Silvio Camenisch

Ord Wikipedia
Jump to navigation Jump to search
Write.svg Questa pagina è scritta en sursilvan.

Silvio Camenisch (* 31 da fenadur 1953 a Rueun) ei in scribent romontsch.

Veta[modifitgar | modifitgar il code]

Silvio Camenisch ei naschius sco schumellin ils 31 da fenadur 1953 a Rueun. El e siu frar schumellin Anton ein ils vegls dalla famiglia gronda da siat affons. Il bab era «commiss» da caffè e la mumma fageva la casarina. Suenter las scolas dil vitg frequenta el da 1970 tochen 1975 il seminari da scolasts a Cuera. Silsuenter ha el dau scola primara, paucs onns a Siat e dapli lura a Domat nua ch’el viva aunc entochen oz. Naven da 1972 publichescha el texts litterars, antologias e periodicas en La Quotidiana ed al Radio Rumantsch. Digl onn 1988 entochen igl onn 1992 ei el staus redactur dalla retscha belletristica Nies Tschespet. El temps liber legia e scriva el bugen e savens, dat tennis cun ses camerats ni viandescha ellas muntognas. In da ses siemis fuss dad haver ina casetta cun vesta silla mar ella Toscana.

Ovra[modifitgar | modifitgar il code]

Sias publicaziuns tractan cunzun da prosa e dramatica. El enquera adina puspei novas vias cun sia litteratura.

Prosa[modifitgar | modifitgar il code]

  • Miez miur e miez utschi (raquents), (1982)
  • Cara Laura (roman), (1984)
  • Smaladetta primavera (raquents), (1986)
  • Metamorfosas (raquents), (1989)
  • Tandem (raquents da Silvio Camenisch ed Arnold Spescha), (1990)
  • Da mesa stad (historias criminalas), (1991)
  • Hendri e ses babs, (1991)
  • Gregory Greg (roman da giuventetgna), (1994)
  • L’auter (roman), (1995)
  • Frenzi (raquens), (2001)

Dramatica[modifitgar | modifitgar il code]

  • Jeu less tschintschar cun tei (giug auditiv), (1981)
  • Il fegl perdiu. Ina semeglia, (1984)

Premis[modifitgar | modifitgar il code]

  • Premi da litteratura USR (1983/1986)
  • Premi da promoziun dalla Regenza grischuna (1986)

Lioms[modifitgar | modifitgar il code]