Bregaglia

Quest artitgel è vegnì scrit d'in student da la lingua rumantscha e pudess cuntegnair sbagls d'ortografia e da grammatica.

Quest artitgel tracta la vischnanca politica da Bregaglia. La vallada da medem num chattas sut Val Bregaglia.

Bregaglia

Datas fundamentalas
Chantun:	Grischun
District:	Malögia
Circul	Bregaglia
Numer postal:	7605
Coordinatas:	46° 21′ 36″ n. 09° 35′ 26″ o.
Autezza:	994 m s.m.
Surfatscha:	251,45 km²
Abitants:	1'602 (31 da december 2009)
Lingua(s):	talian^[1]
Website:	www.bregaglia.ch
Soglio
Charta

Bregaglia è ina vischnanca politica svizra en il chantun Grischun. Ella è situada en il circul da medem num dal district Malögia.

La vischnanca da Bregaglia è naschida il 1. da schaner 2010 e cumprenda tut las anteriuras vischnancas da la val da medem num – Bondo, Castasegna, Soglio, Stampa e Vicosoprano – uschia che la vischnanca ed il circul da Bregaglia cuvran uss il medem territori.

[modifitgar] Geografia

La vischnanca cumprenda l'entira part grischuna da la Bregaglia che vegn percurrida da la Maira da sia funtauna sin il Piz Duan (3'131 m) fin Castasegna nua ch'ella entra en l'Italia. Sin il territori communal sa chattan plinavant ils pizs ils pli auts da las Alps reticas, il pli aut dals quals è il Piz Cengalo cun in'autezza da 3'367 m al cunfin cun l'Italia. La vischnanca s'extenda sur il sparta-auas, cumprendend Malögia, il pass dal Malögia, las funtaunas da l'En ed ina part dal Lai da Segl en Engiadina.

La distanza tranter Stampa, la sedia communala, e Chiavenna importa 17 km, entant ch'i èn 32 km fin San Murezzan, 76 km fin Sondrio, 80 km fin Lecco, 92 km fin Lugano, 100 km fin Tavau, 110 fin Com, 137 km fin Milaun e 224 km fin Turitg.

[modifitgar] Vopna

Descripziun: In Silber auf schwarzem Schildfuss im Zinnenschnitt aufrecht schreitender schwarzer Steinbock, rot bewehrt.

La vischnanca dovra vinavant la vopna dal circul da la Bregaglia dal qual ella è la suletta vischnanca.^[2]

[modifitgar] Populaziun

La pli gronda part da la populaziun discurra talian (76% l'onn 1990) e dovra il bargajot, in dialect lumbard cun grondas influenzas rumantschas ed è da confessiun refurmada. Questa religiun vegniva pratitgada da 71% da la populaziun l'onn 1990. Ella fa part da la Baselgia evangelica refurmada dal Grischun.

Bregaglia era l'emprima vischnanca dal Grischun talian ch'ha dà il dretg d'eleger ad esters sesents en las anteriuras vischnancas.^[3]

[modifitgar] Traffic

L'axa stradala da la val è Via chantunala 3 che collia la Bregaglia cun l'Engiadina. La strada cuntinuescha sin territori talian sco Strada statala 37 dal Malögia e porta fin a Chiavenna. Las proximas staziuns da viafier sa chattan a Chiavenna (gestiunada da la Trenitalia) ed a San Murezzan (gestiunada da la Viafier retica) nua che sa ferma il Bernina Express.