Riviera (district)

Distretto di Riviera
Datas fundamentalas
Chantun	Tessin
Chapitala	Osogna
Surfatscha	166,4 km²
Abitants	12'282 (31 da december 2008)
Spessezza	73,8 ab./km²
Code UST	2107
Lingua	talian
Charta

Il district da Riviera (talian Distretto di Riviera, ant. Landvogtei Riviera, tudestg Landvogtei Reffier) è in district dal chantun Tessin. La chapitala è Osogna ma la dretgira districtuala (pretura) sa chatta a Biasca.

Remartga: Quest artitgel tracta il district da Riviera sco unitad d'administraziun. Per la regiun geografica vesair l'artitgel Riviera (Svizra).

Geografia

Il district cunfina cun il district da Blenio en il nord, cun quel da Leventina en il nordost, cun quel da Locarno en il sidost e cun il chantun Grischun (district Moesa) en l'ost.

Il district da Riviera è il penultim district tenor surfatscha (suandà be dal district da Mendrisio) ed il quint tenor populaziun dal chantun Tessin.

L'elevaziun la pli auta è il Torrone Alto (2'950 m). Auters pizs èn il Piz di Strega (2'912 m), il Pizzo di Claro (2'727 m), il Mottone (2'692 m) e la Cima di Bri (2'520 m).

Il flum il pli impurtant dal district è il Ticino. Tranter ils affluents degn da vegnir menziunads en il district èn il Brenno, che nascha en la Val dal Blegn (Valle di Blenio), ed il Rio di Lodrino.

Istorgia

→ Artitgel principal: Riviera (Svizra)

Traffic

Autostradas

Il territori dal district vegn traversà da l'autostrada A2/E35 Basilea-Chiasso che collia il nord da la Svizra cun l'Italia tras il Son Gottard, Lugano ed il pass da Brogeda. L'autostrada ha sortidas en il district, numnadamain a Biasca.

Vias naziunalas

La via naziunala N2 (Lugano-Pass dal Son Gottard) traversa il district da Claro fin Biasca. A Biasca entschaiva la via per la Val Blenio ed il Pass dal Lucmagn.

Viafier

La lingia da viafier Bellinzona-Gottard traversa il territori dal district, cun staziuns a Biasca.

Vischnancas

Vischnancas dal district Riviera

Cun stan dal 1. da schaner 2010 cumprenda il district da Riviera sis vischnancas (communi) gruppadas en in circul (circolo).

Circolo della Riviera
Vopna	Num da la vischnanca	Abitants (31 da dec. 2008)	Surfatscha in km²
	Biasca	5956	59.1
	Claro	2521	21.2
	Cresciano	620	17.2
	Iragna	552	18.3
	Lodrino	1604	31.6
	Osogna	1029	19.0
	Total	12'282	166.4

Midadas dapi ca. 1803

• Las vischnancas da Pontirone e Loderio èn vegnidas incorporadas en la vischnanca da Biasca
• La vischnanca da Prosito è vegnida fusiunada cun Lodrino

Colliaziuns

• Artitgel «Riviera (Vogtei, Bezirk)» en il Lexicon istoric da la Svizra