Regiun Alvra

Regiun Alvra
Impressiun da la Val d'Alvra. In tren da la Viafier da l'Alvra (VR) tranter Casti e Filisur s'avischina a Surava.
Administraziun
Stadi	Svizra
Chantun	Grischun
Chapitala	Casti
Territori
Surfatscha	683,51 km²
Populaziun	8144 abitants (31 da december 2021)
Spessezza	11,9 ab./km²
Vischnancas	7
Autras infurmaziuns
Numer UST	1832

La regiun Alvra (tudestg Region Albula) è in'unitad d'administraziun dal chantun Grischun ch'è vegnida creada entras la refurma territoriala grischuna sin il 1. da schaner 2016.

Geografia

La regiun administrativa – che correspunda a la regiun geografica dal Surmeir – consista principalmain da duas vals: La Val d'Alvra che vegn percurrida da l'Alvra ed il Surses che vegn percurrì da la Gelgia (Güglia). Nua che la Gelgia sbucca en l'Alvra giascha la chapitala da la regiun, Casti.

• 
  Val d'Alvra, vers l'ost
• 
  Sotgôt, la part sut dal Surses

Populaziun

Lingua

L'entira regiun era populada da Rumantschs fin il temp medieval tard, cur che Ferrera e vegni germanisà e Beiva e daventà biling talian-rumantsch. En auters parts da la regiun ha il rumantsch – en furma da l'idiom surmiran – continuà a dominar fin la fin dal 19avel tschientaner, cur ch'il tudestg ha cumenzà a sa derasar pli e pli, oravant tut en la part settentriunala, la Val d'Alvra, nua che la maioritad discurra ussa tudestg. En la part meridiunala, il Surses, è il tudestg sa derasà pir en il 20avel tschientaner, ma ils Rumantschs èn anc en la mairotad.

Religiun

Durant la Refurmaziun han las plaivs da Bravuogn e Filisur acceptà la nova cretta, Beiva è daventà paritetic entant che las autras plaivs èn restadas catolicas.

Vischnancas

Vopna	Num da la vischnanca	Populaziun (31 da december 2021)	Surfatscha (in km²)
	Alvra	1288	93,63
	Bravuogn Filisur	893	190,14
	Ferrera	218	11,35
	Lantsch	552	21,81
	Surses	2391	323,76
	Vaz	2802	42,51